WABUNGE WAFUNDWA KUHUSU EPA

Katibu Mkuu wa Viwanda, Biashara na Uwekezaji Prof. Adolf Mkenda akitoa mada wakati wa semina  semina kwa Wabunge wa Jamhuri ya Muungano wa Tanzania kuhusu Mkataba wa Makubaliano ya Ushirikiano wa Kiuchumi kati ya Jumuiya ya Afrika Mashariki (EAC) na Jumuiya ya Ulaya (EPA).

Mhadhiri wa Chuo Kikuu cha Dar es saalaam Prof. Paramagamba Kabudi kutoka Chuo Kikuu cha Dar es saalaam akitoa semina kwa Wabunge wa Jamhuri ya Muungano wa Tanzania kuhusu Mkataba wa Makubaliano ya Ushirikiano wa Kiuchumi kati ya Jumuiya ya Afrika Mashariki (EAC) na Jumuiya ya Ulaya (EPA).

Mhadhiri wa Chuo Kikuu cha Dar es saalaam Dkt. Ng’wanza Kamata akitoa mada wakati wa semina ya Wabunge wa Jamhuri ya Muungano wa Tanzania kuhusu Mkataba wa Makubaliano ya Ushirikiano wa Kiuchumi kati ya Jumuiya ya Afrika Mashariki (EAC) na Jumuiya ya Ulaya (EPA).

Mkurugenzi wa Shughuli za Bunge, Ofisi ya Bunge Bi. Nenelwa Wankanga akiwakaribisha Wabunge na watoa mada kutoka Chuo Kikuu cha Dar es salaam kwenye Semina inayohusu Mkataba wa Makubaliano ya Ushirikiano wa Kiuchumi kati ya Jumuiya ya Afrika Mashariki (EAC) na Jumuiya ya Ulaya (EPA) leo mjini Dodoma.

Mbunge wa Ilala Azan Mussa Zungu akichangia mada wakati wa semina kuhusu Mkataba wa Makubaliano ya Ushirikiano wa Kiuchumi kati ya Jumuiya ya Afrika Mashariki (EAC) na Jumuiya ya Ulaya (EPA) leo mjini Dodoma.

Mbunge wa Mwibara Kangi Lugola akichangia mada wakati wa semina kuhusu Mkataba wa Makubaliano ya Ushirikiano wa Kiuchumi kati ya Jumuiya ya Afrika Mashariki (EAC) na Jumuiya ya Ulaya (EPA) leo mjini Dodoma.

Wabunge wafundwa kuhusu Mktaba wa EPA

Wabunge wamepewa Semina kuhusu Mkataba wa Ushirikiano wa Kiuchumi kati ya Nchi za Jumuiya ya Afrika Mashariki na Jumuiya ya Ulaya (EPA).

Semina hiyo imetolewa Bungeni Mjini Dodoma ambapo watoa mada walikuwa ni pamoja na Katibu Mkuu wa Wizara ya Viwanda , Bishara na Uwekezaji, Prof. Adolf Mkenda akishirikiana na wataalamu kutoka Chuo Kikuu cha Dar es Salaam ambao ni Prof. Palamagamba Kabudi, Dkt. Ng’wanza Kamata na Dkt. John Njigu.

Wakizungumza katika nyakati tofauti Wasomi hao waliwaasa Waheshimiwa Wabunge kuusoma mkataba huo kwa kina ili waweze kufanya mamuzi sahihi huku wakikumbusha kuwa hatima ya Mkataba huo ipo mikononi mwa Waheshimiwa Wabunge ambao ndiyo wanaoweza kuukubali au kuukataa mkataba.

Mkataba huo unatarajiwa kujadiliwa kwa kina Bungeni katika Mkutano huu wa Bunge Novemba 10, mwaka huu ambapo Wabunge watapata fursa ya ya kujadili na kuishauri Serikali kuhusu kuukubali au kuukata Maktaba huo.

Awali kabla ya kuanza kwa semina hiyo, Spika wa Bunge, Mheshimiwa Job Ndugai alisema semina hiyo ni muhimu katika kuwasaidia Waheshimiwa Wabunge kuweza kufanya maamuzi sahihi juu ya Mkataba huo.

“Semina hii ni muhimu kwetu wabunge ili kuweza kupata uelewa kuhusiana na Maktaba huu wa EPA ili siku tutakayokuja kujadili tutoe ushauri mzuri kwa Serikali kwa manufaa ya Taifa letu,” alisema Mhe Spika.

Wakichangia katika nyakati tofauti Waheshmiwa Wabunge walisema elimu waliyoipata kuhusu Mkataba huo imekuja wakati mwafaka wakati wanatarajia kuujadili, na hivyo katika siku zilizosalia watausoma kwa kina Mkataba huo kabla ya kuja kuujadili Bungeni kuhusu kuupitisha au kutopitisha Mkataba huo.

Kwa upande wake Mwenyekiti wa Kamati ya Viwanda, Biashara na Mazingira Mhe. Dalaly Kafumu alisema anashukuru kwamba Waheshimiwa Wabunge wamepata Semina kuhusu Mkataba huo na hivyo akawasisitiza kwenda kusoma mktaba huo ili waweza kuwa na uelewa mpana kabla ya kuja kuujadili Bungeni

Pamoja na Waheshimiwa Wabunge na Mawaziri, Semina hiyo kuhusu Mktaba wa EPA ilihudhuriwa pia na Waziri Mkuu Mheshimiwa Kassim Majaliwa na Naibu Spika wa Bunge Mheshimiwa Dkt. Tulia Ackson.